Wednesday, August 20, 2014

एकाबिहानै
एक हूल कवि परेवाहरु
बिम्वको खोजीमा निस्कन्छन्

दायाँ फन्को मारेर स्वयम्भूनाथ 
सुस्ताउँछन् एकछिन  आँखाअघिल्तिर
केही सल्लाह गर्छन्
र विष्ट्याइवरी हानिन्छन्
एक पुरानो गुम्बातर्फ
जसको छहारीमा कुनै कवि
लेखिरहेको थियो कविता

एक्कासी, आक्रमण गर्छ कविलाई, परेवाको हूल !

उनीहरु,
पालैपालो थुत्छन्
कविको आँखा
उसको नाक
उसको कान
उसको जिब्रो
उसको गीदी

सबै सबै जम्मा गरेर
उनीहरु
तयार पार्छन एउटा सुन्दर कविता
र वेगले हानिन्छन् आकाशै आकाश
सुनाउन गौतम बुद्धलाई

ती परेवाहरु,
जसको आक्रमणमा मृत्यु भयो कविको
बर्षौँदेखि निसास्सिएका
उसकै कविताका बिम्वहरु थिएछन् !
Share:

Wednesday, April 30, 2014

कुनै बेला 
चियामा चोपेर निल्न लगाइएको छ मलाई 
एक बिट्टो तास 

श्रीमानलाई अवगत नै छ 
निशन्देह बौद्धिक खेल हो फलाँस 

फलाँस इतिहास हो 
१०औँ शताब्दीदेखिको विश्व परम्परा हो 

फलाँस मनोविज्ञान हो 
जसमा पढिन्छ हरेक खेलाडीको मनोविज्ञान् 
र चालिन्छ हरेक कदम 

फलाँस अनुमान विज्ञान हो 
जहाँ आँकलन गरिन्छ अन्य हातभित्र लुकिरहेका 
बादशाह र गुलामहरु 

फलाँस अँग्रेजी वर्णमाला हो 
अँग्रजी भट्याउनेहरुबाहेक
अरु को हुन सक्छ यो देशको बुद्धिजीवी ? 

फलाँस गणीत हो 
गणतिय ज्ञानबेगर कसरी हुन्छ हिसाबकिताब ? 
फाइदा बेफाइदा ? जीत हार ? 

राजनैतिक दर्शन हो फलाँस ! 

सामाजिक सँस्कार हो फलाँस !

बौद्धिक रवाफ हो फलाँस !

श्रीमान् 
यो देशको एउटा 
वैज्ञानिक 
मनोवैज्ञानिक 
दार्शनिक 
राजनितिज्ञ 
गणीतिज्ञ ...  

समग्रमा,  
यो देशको बहुआयामिक बुद्धिजीवीको 
खुलेआम हनन भएको छ मानवअधिकार 

हेक्का रहोस् श्रीमान्,  
चियामा चोपेर निल्न लागाइएको थियो मलाई 
एक बिट्टो तास ! 

आन्द्राहरुमा बर्षौदेखि हुडल्लिरहेछन् गुलामहरु 
कटक्क खाइरहन्छ ग्याष्ट्रिक पेट 
बान्ता हुन खोज्छ हरेक दिन, 
र घाँटीसम्मै आएर अड्किन्छ बादशाह 
निस्कन्छ केबल,
हप्तौँ पुरानो छ्याङजस्तै अमिलो झोल  
आन्द्राबाट
र, गनाइरहेको छ यो तीतो मुख
बर्षौँदेखि 

थाहा छैन 
कतिन्जेल मच्चिरहनेहो आतङ्क 
मेरो शरीरमाथि 
कहिले पचाइसक्ने हो मभित्रको हाइड्रोक्लोरिक एसिडले 
यसको सम्पूर्ण अवयव  
कहिल मुक्त भइने हो 
यी अनेकन विकारहरुबाट  

श्रीमान् 
गम्भीर खेलवाड भएको छ मेरो स्वास्थ्यमाथि 

तपाइँको "सर्वोच्च" अगाडि आमरण अनशन बसिरहेको छ 
यो द्वन्द पीडित 

श्रीमान्, 
दोषीलाई कडा भन्दा कडा कारबाही होस् ।

Share:

Saturday, April 19, 2014

पूर्वतर्फ आतङ्ककारी देख्छ
बन्दुक पड्काउँछ
पश्चिमतर्फ आतङ्ककारी देख्छ
बन्दुक पड्काउँछ
उत्तरतर्फ आतङ्ककारी देख्छ
बन्दुक पड्काउँछ
दक्षिणतर्फ आतङ्ककारी देख्छ
बन्दुक पड्काउँछ
पुन :
चारैतिर ऐनाको पर्खाल ठड्याउँछ
र पुन :
बन्दुक पड्काउँछ ।
Share:

Wednesday, February 5, 2014

Concept/Direction : Nadeesh (नदीश)
Camera Person : Sahir Shrestha, Swoyambhu Shrestha 
Actors : Swoyambhu Shrestha, Nishant Aryal 

(DhewaM Production)

This is a short movie based on the theme "Bridging the Digital Divide". This movie shows how one's trash can be treasure for others. It emphasizes the need and importance for bridging the digital gap that we have at present



Share:
उडिगयो सुस्तरी उडिगयो
यो मनको चरी 
हेर्दा हेर्दै आँखाबाट ओझेल परिगयो
नभेटिने गरी
ओ ! मनको चरी

लेकबाट ओर्लिएर बेसी झर्यो खोला
हिजो जस्तो छैन आज भोलि कस्तो होला 
आकाशमाथि घाम पनि डुबिजान्छ भरे
टाढा टाढा गैजानेले बिर्सिजान्छ अरे
बर्सिगयो बेस्सरी बर्सिगयो
आँखाबाट झरी
कुर्दा कुर्दै जिन्दगी आफै डुबिगयो
नतैरने गरी
ओ ! मनको चरी

वनैभरि गुराँश फुल्छ मनैभरि व्यथा
एकादेशमा हराएको जिन्दगीको कथा
खोजी हिड्नु अँध्यारोमा कहाँ कहाँ मात्र
कथासँगै हराएछ एउटा प्रिय पात्र
दुखिरह्यो यस्तरी दुखिरह्यो
घाउ घरि घरि
बिर्सिजाउँ भन्दाभन्दै झनै बल्झिगयो
नमेटिने गरी
ओ ! मनको चरी


स्वर : सागर राई
सङ्गीत : भिमसेना राई
 गीत सन्नुहोस् >>
Share: